შსს-ში ბრიფინგი ჩაინიშნა. როგორც „ლიბერალს“ შსს-ში განუცხადეს, ბრიფინგის თემა, სავარაუდოდ, ბიზნესმენის შვილის გატაცებას ეხება.
„ადამიანის მძევლად აყვანის ბრალდებით 10-წევრიანი დანაშაულებრივი ჯგუფი დავაკავეთ" - შსს
„კურიერის“ ინფორმაციით, 25 წლის მამაკაცს თავს შეიარაღებული დაჯგუფების წევრები დაესხნენ. ისინი გამოსასყიდის სახით 3 მილიონს ითხოვდნენ.
"კურიერის" ინფორმაციით, სპეცოპერაცია წყალტუბოს სოფელ მაღლაკში ჩატარდა. სამართალდამცველებმა შეიარაღებული დაჯგუფების წევრები უკვე დააკავეს.
„ინტერპრესნიუსის“ ინფორმაციით, შინაგან საქმეთა სამინისტრომ 18-კაციანი დანაშაულებრივი ჯგუფი დააკავა.
სააგენტოს ცნობით, საქმე ეხება ადამიანის გატაცებას, რომელიც გალში, ოკუპირებულ ტერიტორიაზე გადაიყვანეს. როგორც სააგენტოსთვის გახდა ცნობილი, აღნიშნული ადამიანის გათავისუფლების სანაცვლოდ სოლიდურ გამოსასყიდს ითხოვდნენ.