ბათუმში, ერთ-ერთ კერძო საბავშვო ბაღში ოთხი წლის ბავშვის სავარაუდო ცემის ფაქტზე შსს-მ გამოძიება დაიწყო. როგორც „ლიბერალს“ უწყებაში განუცხადეს, გამოძიება „სისხლის სამართლის კოდექსის" 126-ე მუხლით მიმდინარეობს, რაც ძალადობას გულისხმობს.
ტელეკომპანია იმედის ცნობით, დედის განცხადებით, 4 წლის ბიჭს სხეულზე მრავლობითი დაზიანებები ჰქონდა. ფაქტის შესახებ ბავშვმა თავად უამბო და ერთ-ერთი პედაგოგი დაადანაშაულა. დედამ პოლიციასა და სკოლის დირექტორს მიმართა. საბავშვო ბაღის დირექტორი მშობლის ბრალდებას უარყოფს და მას საბავშვო ბაღის მიზანმიმართულ დისკრედიტაციაში ადანაშაულებს.