ნიკო ფიროსმანაშვილის გამოფენას ვენის ალბერტინას მუზეუმი მასპინძლობს. გამოფენიდან ფოტოებს საქართველოს განათლების, მეცნიერების, კულტურისა და სპორტის სამინისტრო ავრცელებს. 

ეროვნული მუზეუმის მიერ გავრცელებული ინფორმაციით, ექსპოზიციაზე წარმოდგენილია მხატვრის 29 ნამუშევარი საქართველოს ეროვნული მუზეუმის შალვა ამირანაშვილის სახელობის ხელოვნების მუზეუმის კოლექციიდან. ასევე, 1972 წელს, პარიზში, ილია ზდანევიჩის მიერ ხელნაკეთი წიგნი სახელწოდებით „ფიროსმანაშვილი 1914". წიგნში შესულია პაბლო პიკასოს მიერ შესრულებული გრავიურა - „ფიროსმანის პორტრეტი". პროექტის ფარგლებში, ასევე პირველად გამოიფინა ცნობილი იაპონელი არქიტექტორის ტადაო ანდოს მიერ სპეციალურად შექმნილი მაგიდა სახელწოდებით "Table Of Pirosmani", რომელიც მხატვრის ხსოვნას ეძღვნება.