Search
"ლიბერალი" მისამართი: თბილისი, რუსთაველის 50 ტელეფონი: +995 32 2470246 ელ. ფოსტა: [email protected] Facebook: https://www.facebook.com/liberalimagazine
გაგზავნა
გაგზავნა

თამარ ჟვანიამ 3-თვიან საარჩევნო პერიოდში 60 000 ლარამდე ანაზღაურება აიღო

05 ნოემბერი, 2018 11:37

2018 წელს 10 თვეში ცენტრალური საარჩევნო კომისიის თავმჯდომარემ, თამარ ჟვანიამ ხელფასის სახით ჯამში 110 500 ლარი აიღო, 20 400 ლარი კი დანამატის სახით. იანვარ-ოქტომბერში საერთო ჯამში მან 130 900 ლარი მიიღო. „ლიბერალმა“ ცესკოდან თამარ ჟვანიას ანაზღაურებასთან დაკავშირებით საჯარო ინფორმაცია გამოითხოვა [დათვლილია დარიცხული თანხა].

აღსანიშნავია, რომ 2018 წელს, იანვარ-ივლისის ჩათვლით, ჟვანიას ყოველთვიული თანამდებობრივი სარგო (ხელფასი) 8 500 ლარს შეადგენდა, ხოლო საარჩევნო პერიოდში (აგვისტო, სექტემბერი, ოქტომბერი) მან ხელფასის სახით 17 000 -17 000 ლარი აიღო. დანამატის სახით კი ამ 3 თვეში ჯამში 8 500 ლარი, ანუ საარჩევნო პერიოდში ჯამში - 59 500 ლარი (აქედან 11 900 ლარი საშემოსავლო გადასახადია).

რაც შეეხება 2017 წელს, ჟვანიამ ჯამში (ხელფასი, დანამატი, პრემია) 149 174 ლარი მიიღო. აქედან ხელფასი იყო - 83 174 ლარი, დანამატი - 41 250, პრემია - 24 750 ლარი.

აღსანიშნავია, რომ 2018 წლის განმავლობაში (10 თვე) ჟვანიას პრემია არ მიუღია, განსხვავებით წინა წლისგან, თუმცა გაიზარდა მისი ხელფასი. კერძოდ, არასაარჩევნო პერიოდში ჟვანია 2017 წელს ხელფასის სახით ყოველთვიურად 5 500 ლარს იღებდა, ხოლო 2018 წელს (არასაარჩევნო პერიოდში) - 8 500 ლარს.

მიმდინარე წელს გაზრდილი თანხა აიღო მან ასევე საარჩევნო პერიოდშიც. როგორც უკვე აღვნიშნეთ, 3 თვეში (აგვისტო, სექტემბერი, ოქტომბერი) მან ხელფასის სახით 17 000 -17 000 ლარი აიღო. წინა წელს კი საარჩევნო პერიოდში (4 თვე - აგვისტო, სექტემბერი, ოქტომბერი, ნოემბერი), საშუალოდ, - 9 793 ლარი (მაგ: სექტემბერ-ოქტომბერში - 11 000-11 000 ლარი); თუმცა, 2018 წელს საარჩევნო პერიოდში ჟვანიამ დანამატის სახით ნაკლები თანხა აიღო (8 500 ლარი), ვიდრე წინა წლის იმავე პერიოდში (22 000);

კომენტარები

ამავე რუბრიკაში

12 დეკემბერი
12 დეკემბერი

რა მოხდა „ლიბერალში"

დეკემბრიდან „ლიბერალის" რედაქციამ მუშაობა შეწყვიტა. ახალმა სარედაქციო გუნდმა ჟურნალში მუშაობა 2019 წლის ივნი ...
29 ნოემბერი
29 ნოემბერი

დროა მხარეებმა ერთმანეთთან საუბარი დაიწყ ...

საქართველოში ევროკავშირის ელჩმა, კარლ ჰარცელმა ჟურნალისტებს ხელისუფლებისა და ოპოზიციის წარმომადგენლებს შორის ხვალ დაანონ ...
29 ნოემბერი
29 ნოემბერი

გრიგორი კარასინი თბილისში რუსული ცენტრის ...

თბილისში რუსული ენისა და კულტურის ცენტრი დეკემბერის შუა რიცხვებში გაიხსნება, რაც რუსეთ-საქართველოს შორის ურთიერთობების გ ...
^