საპრეზიდენტო არჩევნების პირველი ტურის შემდეგ ხელისუფლების მხარდაჭერილმა კანდიდატმა სალომე მოსახლეობას მხოლოდ ერთხელ, არჩევნებიდან მესამე დღეს, მიმართა, როდესაც გააცნო გადაწყვეტილება, რომ მეორე ტურში საბრძოლველად მზად იყო.
არც მანამდე და არ ამის შემდეგ პრეზიდენტობის კანდიდატს რაიმე სხვა საჯარო აქტივობა არ ჰქონია.
„ლიბერალი" დაინტერესდა თუ როდის აგრძელებს სალომე ზურაბიშვილი საარჩევნო კამპანიას, როდის დაიწყებს ამომრჩეველთან შეხვედრებს, ინტერვიუებს.
„ამ მომენტში რაიმე აქტივობა შესახებ ჩვენთვის ცნობილი არ არის" - გვითხრეს სალომე ზურაბიშვილის საარჩევნო სტაბის პრესსასმახურში.
„როცა იქნება, საჯარო გახდება" - გვითხრეს რამდენიმე კითხვის შემდეგ.
რაც შეეხება მის კონკურენტს, გრიგოლ ვაშაძეს, მან რამდენჯერმე მოაწყო პრესკონფერენცია, მისცა ვრცელი ინტერვიუ, შეხვდა მხარდამჭერ პოლიტიკურ ძალებს, ესტუმრა საქართველოს პატრიარქს და ა.შ.