სოციალურ ქსელში 12 წლის ე. გ-ს დაკარგვის შესახებ ინფორმაცია ვრცელდება. ერთ-ერთი მომხმარებელი წერს, რომ ის დღეს ცხრის ნახევარზე გავიდა სახლიდან და არ დაბრუნებულა.
„ლიბერალი" ესაუბრა აღნიშნულ პირს. ის ოჯახის ახლობელია და ამბობს, რომ ბავშვი დღეს სკოლაში არ მისულა. დაუკავშირდნენ თანაკლასელებს და არც მათთან ერთად არ არის. მისივე თქმით, შს სამინსტროს ერთი საათის წინ შეატყობინეს.
„ლიბერალი" ასევე დაუკავშირდა შს სამინისტროს. პრესსამსახურის თქმით, ბავშვს აქტიურად ეძებენ. სხვა დეტალები ამ დროისთვის უცნობია.
ჩასწორება: თავდაპირველად გამოქვეყნდა მასალა ბავშვის ფოტოთი, ინფორმაციის გავცელებისა და მისი პოვნისთვის ხელშეწყობის მიზნით.