დღეს თბილისის მერმა, კახა კალაძემ თბილისის მთავრობის სხდომაზე განაცხადა, რომ ქუჩის მუსიკის პროექტის ფარგლებში, 10 ნოემბერს, 150-მდე ქართველი მუსიკოსი კონცერტს გამართავს. ღონისძიებები მოეწყობა აღმაშენებლის გამზირზე, პუშკინის სკვერსა და „დედაენის ბაღში“.
„მუსიკოსები თბილისის სხვადასხვა ქუჩაზე 15:00 საათიდან 22:00 საათამდე ერთდროულად დაუკრავენ და საზოგადოებას თავიათ შემოქმედებას გააცნობენ. ძალიან მნიშვნელოვანია ამ ტიპის მხარდაჭერა და თანადგომა. ძალიან ბევრი ნიჭიერი ახალგაზრდაა ქუჩის მუსიკოსებში. ამ ადამიანებს უნდა მივცეთ შესაძლებლობა ნიჭის გამოვლენის და ასეთი დამოკიდებულება, დახმარება და თანადგომა მერიის მხრიდან ძალიან მნიშვნელოვანია“, - განაცხადა კახა კალაძემ.
