BBC-ის ცნობით, ეთიოპიის პოლიციამ სომალისა და ორომოს საზღვართან ახლოს საფლავი აღმოაჩინა, რომელშიც 200-მდე ცხედარია ნაპოვნი. 

ადგილობრივი მედიის ინფორმაციით, საფლავი იმ გამოძიების ფარგლებში აღმოაჩინეს, რომელიც სომალის ყოფილი პრეზიდენტის, აბდი მოჰამედის წინააღმდეგ მიმდინარეობს. მას ეთნიკურ ნიადაგზე განხორციელებული დევნა, ასევე, წამება, გაუპატიურება და მკვლელობა ედება ბრალად. ამჟამად ყოფილი პრეზიდენტი სასამართლო განხილვის მოლოდინშია.

BBC-ის ცნობით, ადგილობრივი პოლიცია ცხედრების იდენტიფიცირებას ცდილობს. 

აბდი მოჰამედი სომალის პრეზიდენტის თანამდებობას 2005 წლიდან იკავებდა, 2018 წლის აგვისტოში გადადგა, რამდენიმე კვირის შემდეგ კი სამართალდამცველებმა დააკავეს.