კახა კალაძემ ინფრასტრუქტურის მინისტრთან ერთად პარკ „მზიურში“ პროექტ „ახალი მზიურის" პრეზენტაცია გამართა. 

„ეს პარკი იყო მოწმე ნგრევის და იქნება მოწმე შენების"  - განაცხადა თბილისის მერმა. 

კალაძის თქმით, დაგეგმილია სხვადასხვა სახის ინფრასტრუქტურული პროექტი, კეთდება მედეათეკა, მინი-გალარეა, მოეწყობა სხვადასხვა რეკრეაციული ზონა. დაგეგმილია გამწვანების პროექტი. მოეწყობა მინი-ფეხბურთისა და სკეიტბორდის მოედნები და სხვადასხვა სპორტული დატვირთვის სივრცეები. მაია ცქიტიშვილის თქმით, ასევე განთავსდება აუზი. 

მინისტრის თქმით, პროექტი 2019-2020 წლებში განხორციელდება. 

„ეს იქნება ახალგაზრდების ოცნების სახლი“. - განაცხადა ინფრასტრუქტურის მინისტრმა. 

პროექტს ახორციელებს თბილისის მერია, ინფრასტრუქტურის სამინისტროსთან ერთად. ფინანსურად ევროპის საინვესტიციო ბანკი ეხმარება. 

ვიდეო:  ინფრასტრუქტურის სამინისტრო