ბათუმში 12 წლის გოგონას მიმართ გარყვნილი ქმედების ბრალდებით, 55 წლის მამაკაცი დააკავეს. მომხდარზე გამოძიება „სისხლის სამართლის კოდექსის" 141-ე მუხლით მიმდინარეობს, რაც გარყვნილ ქმედებას გულისხმობს.
„ბათუმელების" ინფორმაციით, ორგანიზაცია „იალქნის“ ხელმძღვანელმა, თეონა აბაშიძემ „ბათუმელებთან“ საუბრისას თქვა, რომ მომხდართან დაკავშირებით მას ბავშვის დედა დაუკავშირდა.
„როგორც ბავშვის დედამ მითხრა, მისი 13 წლის გოგო თანაკლასელებთან ერთად ბათუმის ერთ-ერთი მუნიციპალური ავტობუსით მგზავრობდა, სადაც 55-წლამდე კაცმა გოგონას სექსუალური შევიწროება დაიწყო.
როგორც მითხრეს, თვითმხილველია ამ ბავშვის თანაკლასელი და სკოლის დარაჯიც, რომელმაც გუშინ ბავშვთან და ბავშვის დედასთან ერთად ჩვენება მისცა“, – განუცხადა „ბათუმელებს" თეონა აბაშიძე.
