„დედაქალაქის მერიას დაწყებული აქვს საახალწლო ღონისძიებებისთვის მზადება, პარლამენტის წინ ცენტრალური ადგილია. აქ იდგმება მთავარი ნაძვის ხე. ეს მე არ მომიფიქრებია, ტრადიციაა და წლებია, გრძელდება". - ამბობს თბილისის მერი კახა კალაძე.
როგორც ცნობილია, ზაზა სარალიძემ და მალხაზ მაჩალიკაშვილმა მერიისგან მიიღეს წერილი, რომელშიც წერია, რომ მათ 7 ნოემბრიდან უნდა გადაინაცვლონ სხვა ადგილზე, რადგან პარლამენტის შენობის წინ საახალწლო ნაძვის ხე უნდა ააწყონ.
„არავის ხელს არ ვუშლით. დადგან ნაძვის ხე. ჩაატარონ. ის ბავშვები ჩვენი შვილები არ არიან ?! ჩვენ შვილები დაგვიხოცეს და მანამდე ვიბრძოლებთ, სანამ გამყალბებლები არ დაისჯებიან."- ამბობს სარალიძე.
თუმცა დედაქალაქის მერი მათ პასუხობს, რომ მერია საახალწლოდ ემზადება და „ამ ადგილის გამოყენება შეუძლებელი იქნება. მათ შეუძლიათ, ქალაქში ნახონ სხვა ადგილი, რომ ხელის შეშლა არ მოხდეს ერთმანეთისთვის".
ჟურნალისტებმა კალაძეს აუხსნეს, რომ მერიის წერილის მიუხედავად, სარალიძე და მაჩალიკაშვილი არ გეგმავენ პარლემენტის წინ აქციის შეწყვეტას.
„კანონი არის მარტივი გამოსავალი" - ამბობს ამაზე თბილისის მერი.
