„ქართული ოცნების" ოფისთან მალხაზ მაჩალიკაშვილი დღეს, 15:00 საათზე, საპროტესტო აქციას გამართავს.
მალხაზ მაჩალიკაშვილმა ჟურნალისტებთან განაცხადა, რომ პანკისის ხეობის მოსახლეობასთან ერთად „ოცნების" ოფისთან სუს-ის უფროსის მოადგილის, სოსო გოგაშვილის დაკავებას მოითხოვს.
„იმის ნაცვლად, რომ სუს-ის უფროსის მოადგილე, მხეცი გოგაშვილი დაესაჯათ, დასვეს საარჩევნო შტაბის უფროსად. აქედან გამომდინარე, „ოცნების“ ოფისთან ვაპირებთ აქციის გამართვას.
ჩემი მოთხოვნა იქნება, გამოათრიონ იმ შტაბიდან გოგაშვილი და დაასახელოს ყველა ის ადამიანი, ვინც იყო ამ სასტიკი, ე.წ. საუკუნის დანაშაულის მონაწილე. ყველა უნდა დაისაჯოს. ", - განაცხადა მაჩალიკაშვილმა.
