ისტორიული გადაწყვეტილება მიღებულია, - ასე შეაფასა ფრაქცია "ქართული ოცნების" თავმჯდომარემ, მამუკა მდინარაძემ პრემიერის ინიციატივა, რომელიც საქართველოს 600 000 მოქალაქისთვის საბანკო ვალების განულებას ეხება. მისი თქმით, ამის შესახებ მამუკა ბახტაძემ ჯერ კიდევ აგვისტოში დააანონსა.
„საუბარია იმ ადამიანებზე, ვისაც 2000 ლარზე ნაკლები ძირი ჰქონდა და შემდეგ გაუპრობლემდა. საუბარია იმ ადამიანებზე, რომლებსაც გაუპრობლემდათ მას შემდეგ, რაც 2000-ზე ნაკლები თანხა დარჩათ გადასახდელი. ეს არის ძალიან კარგი გადაწყვეტილება, რომელიც მნიშვნელოვან წვლილს შეიტანს ჭარბვალიანობის აღმოფხვრის საქმეში და ახალ წელს, 600 000-ზე მეტი მოქალაქე ვალის გარეშე შეხვდება", - განაცხადა მდინარაძემ.
პრემიერ-მინისტრმა მამუკა ბახტაძემ დღეს განაცხადა, რომ 600 000-ზე მეტ ადამიანს, რომელიც ე.წ. შავ სიაშია, საბანკო ვალი გაუნულდება.