იძულებული ვარ, მხარი „ნაციონალურ მოძრაობას“ დავუჭირო, - მალხაზ მაჩალიკაშილი Facebook-ზე განცხადებას ავრცელებს:

ფოტო: საზოგადოებრივი მაუწყებელი

„არასოდეს დამავიწყდება ნაც მოძრაობის დროს გუმაშვილების ოჯახში დატრიალებული ტრაგედია; ჩემი მეხსიერებიდან არ წაიშლება ლაფანყურის ამბები, რომლის წინაშეც ყველანი უძლურნი ვიყავით, მაგრამ მერწმუნეთ და დიდი ბოდიშის მოხდით მინდა გითხრათ, ამ ზემოთ ჩამოთვლილი ტრაგედიებისა და ჩემი ოჯახის ტრაგედიას შორის განსხვავება დიდია რაოდენობრივად კი არა შესრულების მანევრით.
ამდენი ჩამოთვლილებიდან არც ერთი არ მოუკლავთ ღამის ოთხ საათზე საკუთარ ოჯახში მძინარე და სიზმრებში წასული, გარდა თემირლანისა.
ახლა მე არ დამიტოვეს არჩევანის გაკეთების საშუალება ამ პარტიებმა, რადგანაც სხვა პარტიები გავიდნენ ამ ბინძური თამაშიდან ხალხის უნდობლობის გამო. იძულებული ვხდები ნაცმოძრაობას დავუჭირო მხარი, ნათქვამია - წყალწაღებული ხავს ეჭიდებოდაო და მეც ვებღაუჭები ამ ხავს. უმორჩილესად გთხოვთ დამიჭიროთ მხარი, რომ ამ ქოცთა ხროვამ არ იბოგინონ ქვეყანაზე, თუ არ დამიჭერთ მე მხარს, ამ ქოცებს მაინც ნუ მისცემთ ხმას", - წერს მაჩალიკაშილი გავრცელებულ განცხადებაში.