პარტია „ქართული ოცნების" თავმჯდომარე ბიძინა ივანიშვილი ტელეკომპანია „იმედის" ტოკშოუში ვალის განულების პროგრამის შესახებ საუბრობს.
„არ შევეცდები იმის აღწერას, რა მოხდა „შავ სიასთან" დაკავშირებით. პრემიერზე ადრე მივეცი დაპირება თუ გახსოვთ, კვირიკაშვილს მე საჯაროდ მივეცი შენიშვნა, რომ ხალხის ნაწილი სიღარიბის ზღვარს მიღმა კიდევ უფრო მეტად წავიდა და გაღარიბდა. ჭამის რაციონი შეიცვალა ძალიან ბევრმა. აქ იყო დაგვიანებული ქმედებები, მაგრამ მე მინდა მთავარზე გავამახვილო ყურადღება: დავპირდით, რომ წლის ბოლომდე მოვახერხებთ საზოგადოების ამ ნაწილს დავეხმაროთ, ამიტომ ამას საარჩევნოდ ნუ ჩათვლიან, რამეთუ ჯერ კიდევ მაისში გაკეთდა ჩემგან განცხადება", - აღნიშნავს ივანიშვილი და განაგრძობს" - „ეს არის კარგი მაგალითი თუ ცდილობ, შეიძლება გამოგივიდეს კიდეც. გარწმუნებთ, რომ მუნიციპალიტეტის დონეზე მოვახერხებთ, რომ ასეთივე ვერტიკალი დავამყაროთ, როგორიც მთავარობა გვყავს, ასეთივე იქნება ნებისმიერ მუნიციპალიტეტში მერი და საკრებულო. ასე იქნება, რომ შეეცადოს და ხალხს მაქსიმალურად შეუმსუბუქოს. შევეცადეთ? ბევრი დავხარჯეთ, ბევრი შრომა ჩაიდო, მაგრამ გამოვიდა".