ბიძინა ივანიშვილი ტელეკომანია „იმედის" ტოკშუში იმ სცენარს აღწერს, რაც გრიგოლ ვაშაძის გამარჯვების შემთხვევაში ქვეყანაში განვითარდება.
„კითხვას არ გავურბივარ, თუმცა შტაბში მითხრეს, რომ მაგაზე არ ისაუბროო. წარმოიდგინთ ჰიპოთეტურად, რომ ასეთი რამ მოხდა [საპრეზიდენტო არჩევნებში გრიგოლ ვაშაძემ გაიმარჯვა], დავხატოთ მოდელი, რა იქნება: ხელისუფლება მოახერხებს და „ქართული ოცნების, როგორც პატრტიის ჩამოყალიბება დაჩქარდება. და მოახერხებს, რომ ეს ძალა (ეს არ არის პარტია), ვინც შეიძლება, ხალხი გამოუშვას გარეთ, მოვიდა და აგერ, ფანჯრებთან დაგვიდგა ისევ. ვარწმუნებ საზოგადოებას, რომ გვაქვს რესურსი, რომ იგი კონსტიტუციურ ჩარჩოებში დავტოვოთ. კანონს იქით არ გავუშვებთ. კანონის ფარგლებში დავტოვებთ და ნურავის ნუ აქვს ილუზია, რომ რაღაცებს მოახერხებენ და ამოატრიალებენ", - აცხადებს ივანიშვილი.
„ქართული ოცნების" თავმჯდომარე ვაშაძის შესაძლო გამარჯვებას ეკონომიკისთვის მიიჩნევს განსაკუთრებულ გამოწვევად.
„მძიმე იქნება ეს, რა თქმა უნდა, ეკონომიკისთვის. არეულობის ყოველდღიური მცდელობა და ის, რომ სტაბილურობა დაბალპროგნოზირებადი გახდება. რა თქმა უნდა, მიაღწევენ იმას, რომ სტაბილურობაზე კითხვები გაჩნდება. ეს დააზარალებს ეკონომიკას. მე ვიცი ბიზნესი, იქ, სადაც ხიფათია იმისი, რომ ხვალ შეიძლება რევოლუცია მოხდეს, ფულის ჩამდები ხალხი აღარ იქნება. ინვესტიციებზე, ეკონომიკასა და ქვეყნის განვითარებაზე ეს აუცილებლად მოახდენს გავლენას. დრამატიზება არ მინდა, მაგრამ ესეც კარგად უნდა დავინახოთ. ჩემთვის ყველაზე მძიმე მაინც იქნება საგარეო იმიჯის თვალსაზრისით", - თქვა ბიძნა ივანიშცვილმა.
