კომპანია „თელასის“ ინფორმაციით, საინვესტიციო პროექტით გათვალისწინებული სამუშაოების გამო შაბათ-კვირას, 8-9 დეკემბერს გლდანის რაიონს ელექტრომომარაგება დროებით შეეზღუდება.
კერძოდ, 8 დეკემბერს, 01 საათიდან 06 საათამდე შეზღუდვა შეეხება: მეტრო ახმეტელის მიმდებარე ტერიტორიის, თიანეთის გზატკეცილის, გლდანის ხევის დასახლების, გლდანის მასივის II, III, IV, V მიკრორაიონების, გაგარინის, ვართაგავას, დემნა შენგელაიას, რამაზ შენგელიას, ნიკოლოზ შენგელაიას, მორეტის, მამკოდის, გმირ კურსანტთა, ტაბიძის, ქერჩის და ომარ ხიზანიშვილის ქუჩების მაცხოვრებლებს.
ხოლო 9 დეკემბერს, 01 საათიდან 07 საათამდე შეზღუდვა შეეხება: მეტრო ახმეტელის მიმდებარე ტერიტორიის, გლდანის მასივის „ა“, II მიკრორაიონების, ქერჩის, ფორე მოსულიშვილის და ომარ ხიზანიშვილის ქუჩების მაცხოვრებლებს.
კომპანიაში განმარტავენ, რომ სამუშაოების დასრულების შემდეგ აბონენტებს ელექტრომომარაგება აღუდგებათ.