„ყვითელჟილეტიანების" პროტესტი საფრანგეთის ეკონომიკისთვის კატასტროფა იყო - ასე აფასებს საფრანგეთის ფინანსთა მინისტრი ოთხკვირიან დემონსტრაციებს, რომლებიც საფრანგეთში საწვავზე ფასების ზრდის პროტესტით დაიწყო.
BBC-ის ინფორმაციით, აქციებზე ქუჩაში 125 000 დემონსტრანტი გამოვიდა, რომელთაგან 1 200 დააპატიმრეს.
პრეზიდენტმა მაკრონმა კრიზისთან ბრძოლის გეგმა დღეს უნდა გამოაცხადოს.
ფინანსთა მინისტრის განცხადებით, სიტუაცია კრიზისულია როგორც საზოგადოებისთვის, ასევე დემოკრატიისთვის.
მერის მოადგილის თქმით, გუშინ დემონსტრანტებმა გაცილებით მეტი ზარალი მოიტანეს, ვიდრე ერთი კვირის წინ, თუმცა გუშინ დაზიანება გაცილებით ნაკლებმა ადამიანმა მიიღო.
აქციაზე დემონსტრანტები ავტომობილებს წვავდნენ, მაღაზიებს ძარცვავდნენ და მინებს ამსხვრევდნენ.