25 წლის თამარ გამრეკელაშვილის მკვლელობის საქმეზე ბრალდებულ მამინაცვალს, ვეფხია ბაქრაძეს თბილისის საქალაქო სასამართლომ უვადოდ თავისუფლების აღკვეთა შეუფარდა. გადაწყვეტილება მოსამართლე ლავრენტი მაღლაკელიძემ გამოაცხადა.
ვეფხია ბაქრაძეს თამარ გამრეკელაშვილის დამამძიმებელ გარემოებებში განზრახ მკვლელობა ედებოდა ბრალად. ბარნოვის ქუჩაზე 25 წლის თამარ გამრეკელაშვილი 13 აპრილს მოკლეს. შემთხვევის დროს ის სახლში მცირეწლოვან შვილებთან ერთად იმყოფებოდა.
ამავე სასამართლო პროცესზე დანაშაულის შეუტყობინებლობისთვის დაკავებულ თეიმურაზ ბაქრაძეს 2 წლით თავისუფლების აღკვეთა შეეფარდა.