კალიფორნიაში ერთ-ერთ კათოლიკურ სკოლაში მომუშავე ორმა მონაზონმა აღიარა, რომ ლას ვეგასში აზარტულ თამაშებში სკოლის ფული, დაახლოებით 500 000 დოლარი გაფლანგეს.
საუკეთესო მეგობრებმა - მერი კრუპერმა და ლანა ჩანგმა ფული ლოს ანჯელესის ახლოს მდებარე პატარა ქალაქში სენტ ჯეიმსის სკოლიდან მოიპარეს. თანხა, როგორც მონაზვნებმა თქვეს, სწავლის საფასურებიდან და გრანტებიდან იყო შეგროვებული.
მათ სამონაზვნო საქმიანობა შეწყვიტეს და თქვეს, რომ ამ საქციელისთვის სინდისი ქენჯნით.
მერი კრუპერი სკოლის დირექტორი თითქმის 29 წელი იყო, ლანა ჩანგი კი სკოლაში 20 წლის განმავლობაში ასწავლიდა. აუდიტი სწავლობს, ეს ფულის გაფლანგვის პირველი შემთხვევა იყო, თუ მონაზვნები მოგზაურობისა და კაზინოებისთვის თანხას ათეული წლების განმავლობაში იპარავდნენ.
სენტ ჯეიმსის კათოლიკურმა ეკლესიამ განაცხადა, რომ მონაზვნები ძალიან განიცდიან თავიანთ საქციელს და სინდისი ქენჯნით. პოლიცია ფაქტზე ინფორმირებულია, თუმცა მეგობრებს პასუხისგებაში არ მისცემენ.
სენტ ჯეიმსის სკოლაში ფულის გაფლანგვის ფაქტი კათოლიკურმა ეკლესიამ მორიგი აუდიტის დროს აღმოაჩინა.