გამოცემა Foreign Policy-ის ინფორმაციით, საქართველო სავარაუდოდ უარს ამბობს აშშ-ის ელჩის კანდიდატად ბრიჯიტ ბრინკის მიღებაზე, „რადგან საქართველოს ხელისუფლებაში ფიქრობენ, რომ იგი ზედმეტად პოზიტიურად არის განწობილი პროდასავლური ექსპრეზიდენტის მიმართ". გამოცემის ინფორმაციით, ეს ინფორმაცია რამდენიმე დიპლომატიური წყაროსგან მიიღეს.
ბრინკი კარიერული საგარეო საქმეთა ოფიცერია, რომელსაც ევროპის საკითხებზე მუშაობის დიდი გამოცდილება აქვს.
გამოცემასთან საუბარში ორივე ქვეყნის ოფიციალური პირები უარყოფენ, რომ ბრინკი სააკაშვილის მხარდამჭერია.
„ისინი ბრინკს ახასიათებენ, როგორც პროფესიონალს, რომელსაც სააკაშვილისა და მისი პარტიის მიმართ პრეფერენცია არასდროს გამოუხატავს.ერთ-ერთი ოფიციალური პირის თქმით, სახელმწიფო მდივნის მოადგილე ევროპისა და ევრაზიის საკთხებში უეს მიჩელი ბრინკის ნომინირებას კულისებიდან ლობირებდა" - წერს გამოცემა.
აშშ-ის სახელმწიფო დეპარტამენტმა კომენტარის გაკეთებაზე უარი თქვა. გამოცემის ინფორმაციით, მათ რამდენიმე ამერიკელმა და ქართველმა წყარომ განუცხადა, რომ გადაწყვეტილების მიღმა ბიძინა ივანიშვილი დგას.
გავრცელებულ ინფორმაციას დღეს საგარეო საქმეთა მინისტრის მოადგილე ხათუნა თოთლაძე გამოეხმაურა, რომლის თქმითაც „ეს ყველაფერი სიმართლესთან ახლოს არ არის".
„„ამერიკის შეერთებულ შტატებზე ვსაუბრობთ, რომელიც საქართველოს სტრატეგიული პარტნიორია, ამიტომ ვფიქრობ, რომ მსგავსი ხასიათის განცხადებების გამეორება დამაზიანებელია, მათ შორის მედიის მხრიდან“, – თოთლაძის კომენტარს „საზოგადოებრივი მაუწყებელი" ავრცელებს.
ცნობები უარყვეს პარლამენტის ვიცე-სპიკერმა გია ვოლსკიმ და თბილისის მერმა კახა კალაძემაც უარყვეს.
