პარლამენტმა 2019 წლის სახელმწიფო ბიუჯეტის პროექტი დაამტკიცა. ბიუჯეტის პროექტი ფინანსთა მინისტრმა ივანე მაჭავარიანმა წარუდგინა პარლამენტს. ბიუჯეტი პარლამენტმა 91- ხმით, 9-წინააღმდეგი მიიღო.
ძირითადი პარამეტრები 2019 წლისათვის შემდეგია: ეკონომიკური ზრდა - 4.5%; მშპ-ს დეფლატორი - 3.5%; ინფლაცია - 3.0%; საბიუჯეტო დეფიციტი - 2.6%.
სახელმწიფო ბიუჯეტის ხარჯების ჯამური მოცულობა ბიუჯეტის მეორე წარდგენასთან შედარებით იზრდება 219.6 მლნ ლარით და შეადგენს 9 641.1 მლნ ლარს.
გუშინ პარლამენტში კვორუმის არარსებობის გამო 2019 წლის ბიუჯეტის პროექტზე კენჭისყრა ვერ ჩატარდა.
„კოლეგების უპასუხისმგებლობის გამო დღეს ბიუჯეტის პროექტზე კენჭისყრა ვერ შედგა“, - ამ სიტყვებით დაასრულა პარლამენტის თავმჯდომარემ ირაკლი კობახიძემ პლენარული სხდომა, სადაც ხანგრძლივი განხილვის შემდეგ 2019 წლის ბიუჯეტის პროექტი უნდა დაემტკიცებინათ.