„ნაციონალური მოძრაობის“ ლიდერი გრიგოლ ვაშაძემ „რუსთავი 2-ის“ ეთერში განაცხადა, რომ ოპოზიციას წაართვეს გადაადგილების თავისუფლება. კითხვაზე თუ რას აპირებენ თელავისკენ მიმავალ გზაზე შეკრებილი ოპოზიცია ვაშაძე პასუხობს: წინ გადაკეტილი გვაქვს, უკან გადაკეტილი გვაქვს. არ ვიცი, ვნახავთ რას დავაპირებთ, ვიჭიდავებთ ცოტას და მერე ვნახავთ.
„ჯერ არჩევნები და სახელმწიფო წაგვართვეს, ახლა გვართმევენ გადაადგილების თავისუფლებას. ეს არის შევარდნაძის პოლიცია, შესაბამისი სიფათები აქვთ და შესაბამისი უფროსები ჰყავთ. რომ ჰკითხო რატომ არ გვიშვებო, უსაფრთხოებაო გიპასუხებენ, ვისი უსაფრთხოება? სალომე ზურაბიშვილის? ვის რად უნდა ზურაბიშვილი? ან დაცვა რად უნდა? გამოვიდეს ქუჩაში მშვიდად ივლის, საქართველოა. სამსარცხვინო დროში ვცხოვრობთ“, - განაცხადა ვაშაძემ.
ყვარლის გადახვევთან ოპოზიციის კოლონა შეფერხებულია. მათი თქმით, პოლიცია ავტობუსით ცდილობს გზის გადაკეტვას.
დაპირისპირებაა სოფელ ჩუყლაყშიც თელავისკენ მიმავალ გზაზე გაერთიანებული ოპოზიიის მხარდამჭერებსა და პოლიციას შორის.
პოლიციამ აქციის მონაწილეებს გზა გადაუკეტა, რის გამოც გაერთიანებული ოპოზიციის მხარდამჭერების საავტომობილო კოლონას გადაადგილების საშუალება არ ეძლევა.
