შინაგან საქმეთა სამინისტროში ზაზა სარალიძე ადვოკატთან ერთად ცენტრალური კრიმინალური პოლიციის უფროსს ვლადიმერ ბოცვაძეს შეხვდა.
შეხვედრის შემდეგ ჟურნალისტებს ზაზა სარალიძემ განუცხადა, რომ ის და მისი ადვოკატი საქმის მასალებს, მისი მოცულობიდან გამომდინარე ბოლომდე ვერ გაეცნენ. სარალიძის თქმით, სამინისტროში კონკრეტული პირების პასუხისმგებლობის საკითხი დღის წესრიგში დგას.
„დღის წესრიგში დგას კონკრეტული პირების დაკავების საკითხი, მაგრამ არ ვიცი, რატომ იკავებენ თავს, რა ხდება. მაგრამ რომ ჩავალ ბოლომდე, გადავიკითხავ საქმის მასალებს, უკვე კონკრეტულ კითხვებს დავსვამ.
მე არ განვიხილავ მხოლოდ და მხოლოდ კალანდიას საკითხს, მე განვიხილავ ყველა ადამიანის საკითხს, ვინც შემხებლობაში იყო ამ საქმესთან და ნებისმიერი, ის პროკურორი იქნება, თუ გამომძიებელი იქნება, თუ ვინც კი დანაშაული ჩაიდინა ამ საქმის გაყალბებაში, ყველა უნდა იყოს პასუხისგებაში მიცემული,“ - განაცხადა ზაზა სარალიძემ.
