შრომის პირობების ინსპექტირების პროგრამის ბიუჯეტი 2018 წელთან შედარებით, 2019 წლისთვის 590 000 ლარით გაიზარდა(დაახლოებით 61%-ით). ამის შესახებ პრემიერ-მინისტრის სპეციალური დადგენილებაა გამოსული. 

25-დან 40-მდე გაზაირდა შრომის ინსპექტორების რაოდენობაც, ვისაც ობიექტების შემოწმება ევალებათ. 

შრომის ინსპექციას უკვე გაუფრთხილებლად შეუძლია შეამოწმოს კომპანიები, რომლებიც მომეტებული საფრთხის შემცველია და მძიმე და მავნე, საშიშპირობებიან სამუშაოებს წარმართავს. აღნიშნულ კომპანიებს მომეტებული რისკის მქონე საწარმოთა სიაში რეგისტრაცია 2018 წლის 30 ოქტომბრის ჩათვლით ჰქონდათ.

შრომის ინსპექტირების დეპარტამენტის ხელმძღვანელის, ბექა ფერაძის ინფორმაციით, ამ დროისთვის 70 ათასზე მეტი კომპანიაა დარეგისტრირებული და ახლა ამ ბაზის დამუშავება მიმდინარეობს.