ამერიკის შეერთებული შტატების პრეზიდენტი დონალდ ტრამპი მექსიკის საზღვარზე ჩავიდა და მესაზღვრეებს შეხვდა. როგორც მან განაცხადა, თუ მექსიკის საზღვარზე კედლის მშენებლობასთან დაკავშირებით კონგრესთან შეთანხმებას ვერ მიაღწევს, დიდი ალბათობით საგანგებო მდგომარეობას გამოაცხადებს. 

„მე მაქვს აბსოლუტური უფლება, გამოვაცხადო საგანგებო მდგომარეობა“ - თქვა მან. 

კონგრესმა არ დაამტკიცა ბიუჯეტი  და ფედერალურ მთავრობას დაფინანსება შეუჩერდა. ამის მიზეზი კი საზღვარზე კედლის ასაშენებლად ბიუჯეტიდან თანხის გამოყოფა გახდა, რასაც დემოკრატები ეწინააღმდეგებიან. სწორედ ამ მიზეზით, 22 დეკემბრიდან აშშ-ში ე.წ. „შათდაუნი", მთავრობის ნაწილობრივი გათიშვა მოჰყვა. ფედერალური მთავრობის ნაწილმა მუშაობა შეაჩერა და 800 000 საჯარო მოხელე უხელფასო შვებულებაში გავიდა. 

საგანგებო მდგომარეობის გამოცხადების შემთხვევაში, ტრამპს კონგრესის თანხმობისა და დაფინანსების გარეშე შეუძლია საზღვარზე კედლის ასაშენებლად თავდაცვის ბიუჯეტიდან თანხის გამოყოფა.