საქართველოს პრეზიდენტის, სალომე ზურაბიშვილის განცხადებით, გაუქმდა პრეზიდენტის სარეზერვო ფონდი და მის მაგივრად იქმნება ახალი, რომელშიც პრეზიდენტი საკუთარ ხელფასს გადარიცხავს და ამ თანხას საქველმოქმედო ინიციატივებს მოახმარს, - ამის შესახებ ზურაბიშვილმა პრესკონფერენციაზე ისაუბრა.
„გადავწყვიტე, მოვნახო ფონდის ახალი ფორმა, რომელიც იქნება ორიენტირებული ახალ ინიციატივებსა და ქველმოქმედებაზე, რადგან ვფიქრობ, პრეზიდენტი უნდა იყოს მსგავსი იდეების მფარველი. პრეზიდენტის ფონდის მაგივრად, შევქმნით ახალ ფონდს, რომელიც უნდა შეიქმნას კერძო საწყისზე, ჩემი ეგიდითა და საზოგადოებრივი პირების დახმარებით, სადაც ყოველთვე ჩემს პრეზიდენტის ხელფასს გადავრიცხავ. მე საფრანგეთში მაქვს პენსია და ამიტომ, ჩემს ხელფასს ამ საქველმოქმედო ინიციატივას მოვახმარ", - აღნიშნა პრესკონფერენციაზე სალომე ზურაბიშვილმა.