შსს-ს ცნობით, 11 იანვარს, ვანში, ერთ-ერთ კვების ობიექტზე მომხდარ ინციდენტზე გამოძიება ძალადობის ფაქტზე, სსკ-ს 126-ე მუხლით დაიწყო.
როგორც შსს-ში აცხადებენ, ფაქტის შესწავლა ასევე დაიწყო შინაგან საქმეთა სამინისტროს გენერალურმა ინსპექციამ. ინციდენტში მონაწილე სამართალდამცველებს შეუჩერდათ სამსახურეობრივი უფლებამოსილება.
„გამოძიება დაადგებს ჰქონდა თუ არა პოლიციელების მხრიდან რაიმე სახის გადაცდომას ადგილი. ნებისმიერი სამართალდამცველის მხრიდან პროფესიული ეთიკის და პოლიციელის ღირსების შემლახველ ყველა ქმედებას შინაგან საქმეთა სამინისტროს მხრიდან მოჰყვება მკაცრი სამართლებრივი რეაგირება" - განუცხადეს „ლიბერალს" შინაგან საქმეთა სმაინისტროს პრესსამსახურში.
აღნიშნული ინციდენტის შესახებ ინფორმაცია თვადაპირველად „პრაიმტაიმმა" გაავრცელა. გამოცემის ცნობით, ვანის მუნიციპალიტეტში პოლიციელები და პროკურატურის თანამშრომლები ერთმანეთს ფიზიკურად გაუსწორდნენ.