Search
"ლიბერალი" მისამართი: თბილისი, რუსთაველის 50 ტელეფონი: +995 32 2470246 ელ. ფოსტა: [email protected] Facebook: https://www.facebook.com/liberalimagazine
გაგზავნა
გაგზავნა

აშშ თურქეთს ეკონომიკური განადგურებით ემუქრება, თუკი სირიაში ქურთებზე იერიშს მიიტანენ

14 იანვარი, 2019 13:18

აშშ-ის პრეზიდენტი დონალდ ტრამპი თურქეთს ეკონომიკური განადგურებით ემუქრება, თუკი იგი სირიაში ქურთ მეომრებზე იერიშს მიიტანს. ტრამპი Twitter-ზე წერს, რომ არც ის უნდა, ქურთებმა თურქეთის პროვოცირება მოახდინონ. 

„ვიწყებთ სირიიდან ჯარების გაყვანის პროცესს, რაც დიდი ხნის წინ უნდა გაგვეკეთებინა. ამავდროულად ვაგრძელებთ ძლიერ იერიშს ISIS-ის შემორჩენილ მცირე ტერიტორიულ ხალიფატზე სხვცადასხვა მხრიდან. კიდევ მივიტანთ იერიშს უახლოესი ბაზიდან, თუკი ისევ წარმოიქმნება. თურქეთს ეკონომიკურად გავანადგურებთ, თუკი ქურთებზე იერიშს მიიტანენ. შევქმნი 20-მილიან უსაფრთხო ზონას" - წერს ტრამპი. 

ამერიკული ძალები ქურთ მებრძოლებთან ერთად ჩრდილო სირიაში ISIS-ის წინააღმდეგ იბრძოდნენ. თურქეთი ქურთულ დანაყოფს ტერორისტებად მიიჩნევს - პრეზიდენტ ერდოღანის განცხადებით, იგი აღშფოთებულია მხარდაჭერით, რომელსაც ამ ჯგუფის მიმართ ამერიკა იჩენს და მათი განადგურების პირობას დებს. 

ტრამპის განცხადებაში ასევე ნათქვამია, რომ „უსასრულო ომები უნდა დასრულდეს".

„ანალოგიურად, არ მინდა რომ ქურთებმა მოახდინონ თურქეთის პროვოცირება. რუსეთი, ირანი და სირია დიდი ხანია სარგებელს იღებენ სირიაში ISIS-ის, ბუნებრივი მტრების  განადგურებისთვის ბრძოლის აშშ-ის გრძელვადიანი პოლიტიკით. ამით სარგებელს ჩვენც ვიღებთ, თუმცა დროა, მეომრები სახლში დავაბრუნოთ. უსასრულო ომები უნდა დასრულდეს!" - წერს ტრამპი.

ტრამპს არ დაუკონკრეტებია, თუ რა ოდენობით ზარალი მიადგება თურქულ ეკონომიკას, თუკი ისინი ქურთ მეომრებს დაესხმებიან თავს. 

აშშ-მა თურქეთს სავაჭრო ტარიფებზე სანქციები აგვისტოში დაუწესა ამერიკელი სასულიერო პირის დაკავების გამო. პასტორი ენდრიუ ბრუნსონი ოქტომბერში გაათავისუფლეს. 

კომენტარები

ამავე რუბრიკაში

08 ივნისი
08 ივნისი

რატომ უნდა ვიცნობდეთ რეი კურზველს?

ლიბერალმა“, როგორც მედიაპლატფორმამ, არაერთი საზოგადოებრივ-პოლიტიკური პერიპეტია გამოიარა. რამდენჯერმე შეიცვალა სარე ...
12 დეკემბერი
12 დეკემბერი

რა მოხდა „ლიბერალში"

დეკემბრიდან „ლიბერალის" რედაქციამ მუშაობა შეწყვიტა. ახალმა სარედაქციო გუნდმა ჟურნალში მუშაობა 2019 წლის ივნი ...
29 ნოემბერი
29 ნოემბერი

დროა მხარეებმა ერთმანეთთან საუბარი დაიწყ ...

საქართველოში ევროკავშირის ელჩმა, კარლ ჰარცელმა ჟურნალისტებს ხელისუფლებისა და ოპოზიციის წარმომადგენლებს შორის ხვალ დაანონ ...
^