გორში გრიპის ვირუსით 48 წლის მამაკაცი გარდაიცვალა. ამის შესახებ ინფორმაცია „ლიბერალს“ ჯანდაცვის სამინისტროში დაუდასტურეს. როგორც კლინიკის დირექტორი „რუსთავი 2-თან“ აცხადებს, მამაკაცს ჰქონდა მაღალი სიცხე, სუნთქვის უკმარისობა, რასაც თან ერთვოდა ღვიძლის უკმარისობაც. 

„იყო 48 წლის მამაკაცი. შემოსული იყო მაღალი ცხელებით, სუნთქვის უკმარისობით, სამწუხაროდ ამასთან იყო კიდევ ღვიძლის მძიმე უკმარისობა. მოხვდა რეანიმაციულ განყოფილებაში. მკურნალობდა პაციენტი და გუშინ გარდაიცვალა“ - განაცხადა „გორმედის" კლინიკურმა დირექტორმა დავით ყაზაიშვილმა.

ჯანდაცვის სამინისტროს მონაცემებით, H1N1 ვირუსით გარდაცვალების 17 შემთხვევა დაფიქსირდა.