იუსტიციის მინისტრმა, თეა წულუკიანმა უზენაესი სასამართლოს მოსამართლეობის კანდიდატების შერჩევის შესახებ განაცხადა, რომ ეს პროცესი გადავიდა სწორ ტალღაზე და კარგია, რომ სიას პარლამენტმა ნაჩქარევად არ უყარა კენჭი.
„კარგია, რომ ეს სია არ იქნა ნაჩქარევად პარლამენტის მიერ კენჭყრილი და დამტკიცებული და რომ პროცესი გადავიდა სწორ ტალღაზე და მუშაობა ჩატარდება, მათ შორის ჩემი წარმომადგენელიც იქნება ამ ჯგუფში ჩართული“, - განაცხადა წულუკიანმა.
წულუკიანმა ამ საკითხზე უმრავლესობაში უთანხმოებაზეც ისაუბრა. მისი თქმით, არავითარი შიში არ აქვს იმისა, რომ გუნდი დაიშლება.
„ჩვენ მოვდივართ ყველანი ერთად და მოვდივართ შორიდან. მოვდივართ ბრძოლიდან და აქედან გამომდინარე, არავითარი შიში არ მაქვს იმის, რომ ეს გუნდი ან დაიშლება, ან ეს უთანხმოება იქამდე მივა, რომ ჩვენ ერთიანობა დავკარგოთ“, - თქვა წულუკიანმა.
