ბენეფიციარების ნაწილმა ადგილის არარსებობის საფუძველზე ვერ მოახერხეს უფასო სასადილოებით სარგებლობა, როცა მუნიციპალიტეტებმა სრულად ვერ აითვისეს მათთვის გამოყოფილი სახსრები - ამის შესახებ საქართველოს სახალხო დამცველმა ნინო ლომჯარიამ რეგიონული პოლიტიკისა და თვითმმართველობის კომიტეტის სხდომა სიტყვით გამოსვლისას განაცხადა.
„უფასო სასადილოებზე მოთხოვნა კვლავ მაღალია. ყველა მუნიციპალიტეტში სამწუხაროდ არ არსებობს ასეთი მოსამხურება, ხოლო იქ სადაც არის უზრუნველყოფილი, მოსახლეობის გარკვეული ნაწილი ირიცხება მომლოდინეთა სიებში საჭიროებისა და სურვილის მიუხედავად. ისინი ვერ ახერხებენ უფასო სასადილოთი სარგებლობას. დაფიქსირდა შემთვევები, როცა მუნიციპალიტეტებმა სრულად ვერ აითვიეს გამოყოფილი სახსრები მაშინ, როცა ბენეფიციარებს ადგილის არარსებობის საფუძველზე უარი ეთქვათ საკვებით უზრუნველყოფაზე. ადგილობრივმა თვითმმართველობებმა სრულად უნდა გამოიყენონ მათი ხელთ არსებული რესურსი, ხოლო უფასო სასადილოებზე ხელმისაწვომობის კრიტერიუმები უნდა დაადგინონ ბენეფიციარების საჭიროებების გათვალისწინებით" - თქვა ლომჯარიამ.
ლომჯარია რეგიონებსა და მუნიციპალიტეტებში ადამიანის უფლებათა დაცვის მდგომარეობის შესახებ მოხსენებით გამოდის.