Search
"ლიბერალი" მისამართი: თბილისი, რუსთაველის 50 ტელეფონი: +995 32 2470246 ელ. ფოსტა: [email protected] Facebook: https://www.facebook.com/liberalimagazine
გაგზავნა
გაგზავნა

თუ რამე გაკეთდა ან გაფუჭდა სასამართლოს სფეროში, ამაში ბესელიას დიდი წვლილი აქვს - უსუფაშვილი

16 იანვარი, 2019 16:22

პარლამენტში ვიღაც სხვამ ეკა ბესელიას სუპერძალაუფლება ვერ აიტანა, - განაცხადა „პალიტრანიუსის“ გადაცემა „360 გრადუსში“ საუბრისას პარლამენტის ყოფილმა თავმჯდომარემ, „შენების მოძრაობის“ ლიდერმა, დავით უსუფაშვილმა. 

„მე ვლაპარაკობ ადამიანის როლზე, რომელიც ვიღაცას ამ როლში მოსწონდა და ახლა აღარ მოსწონს. თუ რამე გაკეთდა სასამართლოს სფეროში, ამაში ბესელიას ლომის წილი უდევს და თუ რამე გაფუჭდა - ასევე, იმიტომ, რომ ის საყრდენი და ძალიან გავლენიანი ფიგურა იყო. მოხდა მარტივი რამ - გავლენის სფეროების გადანაწილება. ეკა ბესელიას ეს სუპერძალაუფლება ვერ აიტანა ვიღაც სხვამ ახალ პარლამენტში.

ძველ პარლამენტში მას მაინც და მაინც კონკურენტები არ ჰყავდა. როგორც ჩანს, ახალ პარლამენტში ეს სურვილი ვიღაცას გაუჩნდა. კარგად მახსოვს, მართლმსაჯულების საკითხებზე კანონპროექტები იურიდიული კომიტეტიდან როგორ გადასულა სხვა კომიტეტებში, მათ შორის ბესელიას კომიტეტში, იმიტომ, რომ ხმალაძე არ იყო საიმედო სხვებისთვის. ამიტომ ეს სისტემა ფუნქციონირებდა და ახლა ვერ ფუნქციონირებს იმიტომ, რომ არის საკითხები, რაზეც ეკაც და სხვებიც, ალბათ, თანახმანი არიან, მოითმინონ, გააკეთონ და აიტანონ, მაგრამ არის საკითხები, რაზეც თანახმა აღარ არიან. სად იყო გაზაფხულზე და ზაფხულში ეს 10-კაციანი სია? როდესაც კომიტეტიდან მის გადაყვანაზე იყო საუბარი, მაშინ ხომ ჯერ არ ყოფილა აქტუალური მოსამართლეების სია?“, - განაცხადა უსუფაშვილმა. 

მისივე თქმით, თუ საუბარია ივანიშვილის მცდელობაზე, რომ ცუდ შედეგებში დამნაშავე ადამიანები გაწიოს გვერდზე, მაშინ ჩვენ უნდა ვიცოდეთ, რაშია საქმე უშიშროების სამსახურში - რა გაეპარა ამ ხალხს და სად დაუშვეს შეცდომა.

კომენტარები

ამავე რუბრიკაში

23 აგვისტო
23 აგვისტო

ია კერზაიას საქმეზე პროკურატურამ გამოძიე ...

საქართველოს გენერალური პროკურატურის ინფორმაციით, უწყებაში ჩატარებული გამოძიების შედეგად, ზუგდიდის მე-6 საჯარო სკოლის ინს ...
23 აგვისტო
23 აგვისტო

დაავადებათა კონტროლის ეროვნული ცენტრი მო ...

დაავადებათა კონტროლისა და საზოგადოებრივი ჯანმრთელობის ეროვნული ცენტრის ხელმძღვანელი  ამირან გამყრელიძე &n ...
23 აგვისტო
23 აგვისტო

არხანგელსკის ბირთვული ინციდენტი

8 აგვისტოს რუსეთის უკიდურეს ჩრდილოეთში, არხანგელსკის სამხედრო ბაზაზე მომხდარი აფეთქების გამომწვევი მიზეზებისა და შედეგებ ...
^