Search
"ლიბერალი" მისამართი: თბილისი, რუსთაველის 50 ტელეფონი: +995 32 2470246 ელ. ფოსტა: [email protected] Facebook: https://www.facebook.com/liberalimagazine
გაგზავნა
გაგზავნა

გიორგი მიქაუტაძე პროტესტზე: უკვე კონკრეტული მოსამართლეების დევნით გამოხატავენ პროტესტს

21 იანვარი, 2019 14:18

იუსტიციის უმაღლესი საბჭოს მდივნის, გიორგი მიქაუტაძის შეფასებით, ადამიანები, რომლებიც დღეს იუსტიციის უმაღლესი საბჭოს შენობასთან საპროტესტო აქციაზე შეიკრიბნენ, „უკვე პიროვნული დევნის, კონკრეტული მოსამართლეების დევნის ფორმით გამოხატავენ პროტესტს“.

ჟურნალისტებთან საუბრისას მიქაუტაძემ აღნიშნა, რომ ეს ადამიანები მხოლოდ იმ შემთხვევაში იქნებიან კმაყოფილნი, თუკი კანდიდატები არასამთავრობო ორგანიზაციებიდან იქნებიან.

„თუ კანდიდატურები იქნებიან არასმთავრობო ორგანიზაციებიდან, ისე, როგორც ეს ხდებოდა ხოლმე უზენაეს სასამართლოში წარსადგენ კანდიდატებთან მიმართებაში, მაშინ ყველა კმაყოფილი იქნება, ხოლო თუ იუსტიციის უმაღლესი საბჭო და საერთო სასამართლოების სისტემა დამოუკიდებლად წარადგენს ამ კანდიდატურებს და წარმართავს თავის საქმიანობას აბსოლუტურად დამოუკიდებლად და ყველა გარე ძალის ჩარევის გარეშე, ეს, რა თქმა უნდა, გამოიწვევს მათ უკმაყოფილებას. უკვე პიროვნული დევნის, კონკრეტული მოსამართლეების დევნის ფორმით გამოხატავენ პროტესტს“ - თქვა მიქაუტაძემ.

საბჭოს მოსამართლე წევრის, დიმიტრი გვრიტიშვილის შეფასებით კი, დღევანდელმა მანიფესტმა მათი დევნა დაადასტურა.

„ფარსია იმაზე საუბარი, რომ თურმე ფართო ჩართულობით უნდა მოხდეს მსჯელობა კრიტერიუმების და პროცედურის განსაზღვრაზე, რომლის მიხედვითაც, შეირჩევიან და პარლამენტს წარედგინება კანდიდატები უზენაესი სასამართლოს წევრობისთვის. ეს არის ფარსი. დღეს ამ ე.წ. მანიფესტით საბოლოოდ დადასტურდა, რომ ეს არის დევნა ჩვენ მიმართ.

როგორც ქალბატონმა კაპიტანმა გიგაურმა დაადასტურა თავის ერთ-ერთ ინტერვიუში, საუბარია დაახლოებით 20-მდე ადამიანზე, რომელიც, მისი თქმით, თუ მოშორდება სისტემას, სისტემა გაჯანსაღდება“ - თქვა გვრიტიშვილმა.

___________

„მართლმსაჯულების გადასარჩენად" - ამ სახელწოდებით არასამთავრობო ორგანიზაციების წარმოამდგენლებმა დღეს იუსტიციის უმაღლესი საბჭოს შენობასთან საპროტესტო აქცია გამართეს. მათ მანიფესტი წაიკითხეს და შემდგომი მოთხოვნები წამოაყენეს:

  1. დაუყოვნებლივ გადადგეს მოსამართლის თანამდებობიდან იუსტიციის უმაღლესი საბჭოს ყველა მოსამართლე წევრი, ასევე თანამდებობიდან გადადგეს საქართველოს პარლამენტის მიერ არჩეული ყველა ის წევრი, რომლებმაც  2018 წლის დეკემბერში მხარი დაუჭირა უზენაეს სასამართლოს მოსამართლეთა სიის წარდგენას საქართველოს პარლამენტში;
  2. დაუყოვნებლივ გადადგენენ მოსამართლის თანამდებობიდან კლანის ლიდერი თბილისის სააპელაციო სასამართლოს თავმჯდომარე მიხეილ ჩინჩალაძე და მორჩილი მოსამართლის სიმბოლო - ლევან მურუსიძე.
  3. საქართველოს პარლამენტმა სამოქალაქო საზოგადოებისა და ოპოზიციის ფართო  ჩართულობით, და აუცილებლობის შემთხვევაში საკონსტიტუციო ცვლილებების გზით, შექმნას ისეთი რეგულაციები, პროცედურები და კრიტერიუმები, რომლებიც უზრუნველყოფენ მოსამართლეებად საუკეთესო კანდიდატების შერჩევას.
  4. უზენაესი სასამართლოს მოსამართლეთა კანდიდატების შერჩევა და წარდგენა მოხდეს მხოლოდ და მხოლოდ იუსტიციის უმაღლესი საბჭოს შემადგენლობის განახლების, მოსამართლეთა შერჩევის გამართული და დემოკრატიულ საზოგადოებაში მისაღები პროცედურებისა და კრიტერიუმების გაწერის შემდეგ.

დაუყოვნებლივ გადადგნენ მურუსიძე და ჩინჩალაძე - მანიფესტი მართლმსაჯულების გადასარჩენად

კომენტარები

ამავე რუბრიკაში

16 ივლისი
16 ივლისი

წიგნის ცენტრის და მწერალთა სახლის რეორგა ...

„საქართველოს მთავრობის დადგენილება, რომლის საფუძველზეც ქართული წიგნის ეროვნული ცენტრისა და მწერალთა სახლის რეორგან ...
15 ივლისი
15 ივლისი

იუსტიციის საბჭოს არამოსამართლე წევერები ...

იუსტიციის საბჭოს არამოსამართლე წევრები, ნაზი ჯანეზაშვილი და ანი დოლიძე მიიჩნევენ, რომ მოსამართლეთა შერჩევის პროცესში მათ ...
15 ივლისი
15 ივლისი

„მაკნატუნას“ დირექტორი კომპანიის შემოწმე ...

შპს „მაკნატუნას“ დირექტორი ემზარ სოხაძე უარყოფს გავრცელებულ ინფორმაციას იმის თაობაზე, რომ მათ მიერ წარმოებულ ...
^