ლიბიაში დაკარგული დავით რაზმაძე, წინასწარი მონაცემებით, გარდაცვლილი იპოვეს. როგორც „ლიბერალს“ საზღვაო ტრანსპორტის სააგენტოში უთხრეს, 23 წლის მეზღვაური ლიბიაში ნავსადგურის ტერიტორიაზე იპოვეს. პირველადი დათვალიერებით, გარდაცვლილი დავით რაზმაძეა.
საზღვაო ტრანსპორტის სააგენტოს ინფორმაციით, უცნობია სიკვდილის მიზეზი და მომხდარზე დაწყებულია გამოძიება.
ოჯახის წევრების თქმით, დავით რაზმაძე მათ ბოლოს 6 იანვარს ესაუბრა. მეზღვაური 7 იანვარს ლიბიის ერთ-ერთი პორტიდან გაუჩინარდა.