„წუხელ საბოლოოდ დავრწმუნდი, რომ ჩემი ძმის მოკვლა უნდათ. გთხოვთ, ხვალ, კვირას 12 საათზე საპატრიარქოსთან მოდით და დამიდექით გვერდში. მარტო ვარ და ვერ ვშველი მამა გიორგის. თქვენი დახმარება მჭირდება", - წერს Facebook-ზე გიორგი მამალაძის ძმა, თორნიკე მამალაძე.
როგორც თორნიკე მამალაძე აცხადებს, წუხელ წერტილი დაესვა ყველანაირ იმედს, რომ ვინმეს სიკეთის მცირედი ნატამალი მაინც გააჩნია საპატრიარქოში.
„წინა კვირის აქციის საპასუხოდ ნიშნისმოგებით შემომითვალეს, რომ ოცდაათკაციანი აქციით ვერაფერს მივაღწევ. გუშინ ჩემი ძმა ბეწვზე გადაურჩა სიკვდილს. ექიმმა მითხრა ახალგაზრდა რომაა იმიტომ გადარჩაო მაგრამ იგივე შეტევას მეორედ ვეღარ გადაიტანს ძალიან დასუსტებული ორგანიზმი აქვსო. კლავენ ხალხო ეს ნაძირლები. მესამე კვირაა კარავში ვცხოვრობ. რა გავაკეთო აღარ ვიცი. ნუთუ ვერაფრით ვუშველი ჩემს უდანაშაულო ძმას?! მაგას რომ რამე მოუვიდეს ცხოვრებას ვერ გავაგრძელებ", - აღნიშნავს თორნიკე მამალაძე.
გიორგი მამალაძე წინასწარი დიაგნოზით ჰიპერტონული კრიზით, თავის ტვინის ტრანზიტორული ტიპის იშემიური შეტევთ, N9 პენიტენციური დაწესებულებიდან ღუდუშაურის კლინიკაში წუხელ გადაიყვანეს.