55.jpg)
პატრიოტთა ალიანსის წევრმა, დეპუტატმა ემზარ კვიციანმა „მაესტროს“ ეთერში იმ ცენტრის შესახებ ისაუბრა, როემლიც ახალგაზრდებს ოჯახის შექმნაში დაეხმარება. „ქართული ემიგრაციის, დემოგრაფიული და ეკონომიკური ცენტრი“ ექვსი დღის წინ დარეგისტრირდა.
"დიდი იმედი მაქვს, ბატონი ბიძინა ივანიშვილი, რომელიც ასე თავგამოდებით არის ქველმოქმედი და არის ქართველი ხალხის გვერდში ამდენი წელიწადია, ალბათ, ერთი კაი მსუყე ჩანარიცხს გააკეთებს.
არა მარტო ბიძინა ივანიშვილი, ყველა ქართველი და ყველა ქველმოქმედი ადამიანი, ვისაც ქართველების გაძლიერება უნდა, ყველა მიიღებს მონაწილეობას," - განაცხადა ემზარ კვიციანმა.
მისი თქმით, ცენტრის დამფუძნებლები მალე გამართავენ შეხვედრას და საზოგადოებას გააცნობენ ცენტრის მუშაობის სპეციფიკას. ემზარ კვიციანმა აღნიშნა, რომ ცენტრი იზრუნებს ემიგრანტებზე, ახალდაოჯახებულებსა და იმ ოჯახებზე, რომლებიც მაღალმთიან რეგიონებში „მამაპაპისეულ ოჯახებს გააცოცხლებენ".
ემზარ კვიციანი ასევე ამბობს, რომ ბევრი ახალგაზრდაა, რომელიც გაჭირვების გამო ვერ ახერხებს დაქორწინებას და ისინი მაქსიმალურად ყველას შეუწყობენ ხელს.
მან აღნიშნა, რომ ბიძინა ივანიშვილთან არ ჰქონია ამ საკითხზე კომუნიკაცია, თუმცა იმედი აქვს მისი ქველმოქმედების.
„მეტი კონკრეტიკა იქნება, ბიძინა ივანიშვილი რომ ადგება და 100 მილიონს ჩარიცხავს, მაშინ იქნება კონკრეტიკა მეტი. პირველი ქველმოქმედი მაგია და ამიტომ, მე ვფიქრობ, რომ არ დარჩება ჩრდილში ბიძინა ივანიშვილი და აუცილებლად დაამტკიცებს თავის ქველმოქმედებას და მის ქველმოქმედურ ხასიათს და აუცილებლად ჩარიცხავს გარკვეულ კაი მსუყე თანხას ამ ცენტრში," - ამბობს ემზარ კვიციანი.
