Search
"ლიბერალი" მისამართი: თბილისი, რუსთაველის 50 ტელეფონი: +995 32 2470246 ელ. ფოსტა: [email protected] Facebook: https://www.facebook.com/liberalimagazine
გაგზავნა
გაგზავნა

„დიპლომატიის მხარდასაჭერად“ - აშშ სამხრეთ კორეაში ფართომასშტაბიან სამხედრო წვრთნას წყვეტს

04 მარტი, 2019 17:52

ამერიკის შეერთებულმა შტატებმა სამხრეთ კორეაში ფართომასშტაბიანი სამხედრო წვრთნის პროგრამა შეაჩერა. ამ გადაწყვეტილების შესახებ ინფორმაცია დონალდ ტრამპისა და ჩრდილო კორეის ლიდერის კიმ ჩენ ინის მეორე შეხვედრიდან ცოტა ხნის შემდეგ გავრცელდა. თუმცა, მაშინ, სამიტის დასრულებისას ამერიკულმა და კორეულმა მხარეებმა განაცხადეს, რომ შეხვედრა შეთანხმების გარეშე დასრულდა.

სამხედრო წვრთნა სამხრეთ კორეაში დიდი ხნის განმავლობაში კორეის ნახევარკუნძულზე ვითარების გამწვავების ერთ-ერთი წყარო იყო. 

სამხრეთ კორეის ხელისუფლებამ განაცხადა, რომ ქვეყნის თავდაცვის მინისტრმა დიონ კუნ-დუმ აშშ-ის თავდაცვის მდივანთან განიხილა ამერიკისა და ჩრდილო კორეის დიალოგი, რომელიც კონკრეტულ შედეგებზეა ორიენტირებული.

კონსულტაციების შემდეგ სამხრეთ კორეის ხელისუფლების განცხადებით, დიპლომატიური ძალისხმევის მხარდასაჭერად ორი ყველაზე მსხვილი წვრთნის Key Resolve-სა და Foal Eagle-ის შეწყვეტა გადაწყდა.

ფართომასშტაბიან სამხედრო წვრთნაში ათი ათასობით ამერიკელი ჯარისკაცი მონაწილეობდა. ბოლო სწავლება 2018 წელს კორეაში ოლიმპიური თამაშების წინ გაიმართა.

ჩრდილო კორეა ამ წვრთნებს ერთ-ერთ ყველაზე დიდ საფრთხედ და ქვეყანაზე თავდასხმის ინსცენირებად აღიქვამდა და ეს იყო ჩრდილო კორეის ბირთვული პროგრამის შეუწყვეტლობის მთავარი საბაბი. ამერიკას წვრთნის შეწყვეტას ჩინეთიც სთხოვდა.

დონალდ ტრამპმა Twitter-ზე დაწერა, რომ სამხრეთ კორეაში სამხედრო სწავლების შეწყვეტის მიზეზი ფინანსების დაზოგვაა, მაგრამ არც ჩრდილო კორეის ფაქტორი გამორიცხა.

„მიზეზი, რატომაც არ მინდა სამხედრო წვრთნა სამხრეთ კორეაში, იმ ასობით მილიონი დოლარის დაზოგვაა, რომელიც არ აგვინაზღაურდება. ეს იყო ჩემი პოზიცია ჯერ კიდევ დიდი ხნით ადრე, სანამ პრეზიდენტი გავხდებოდი. ამავდროულად, მისასალმებელია ჩრდილო კორეასთან დაძაბულობის შემცირებაც“, - წერს ტრამპი.

ამერიკელი სამხედრო პირების თქმით, ფართომასშტაბიან პროგრამებს შედარებით მცირე სამხედრო წვრთნა ჩაანაცვლებს.

კომენტარები

ამავე რუბრიკაში

18 აპრილი
18 აპრილი

გიორგი ქობულიას გათავისუფლების შესახებ ბ ...

პრემიერმა მამუკა ბახტაძემ ხელი მოაწერა ბრძანებას ეკონომიკის მინისტრის გიორგი ქობულიას თანამდებობიდან გათავისუფლების შესა ...
18 აპრილი
18 აპრილი

აშშ-ის საელჩო: თვალყურს ვადევნებთ აჭარის ...

ამერიკის შეერთებული შტატების საელჩო საქართველოში აჭარის საზოგადოებრივი მაუწყებლის დირექტორის, ნათია კაპანაძის შესაძ ...
18 აპრილი
18 აპრილი

საუდის არაბეთიდან გამოქცეული დები თავშეს ...

შიანაგან საქმეთა სამინისტროს ცნობით, საუდის არაბეთის მოქალაქეებიის,  მაჰა და ვაფა ალ-სუბაიებს შსს-ს  მიგრაცი ...
^