ადგილობრივი მოქალაქის ცნობით, სოფელ ხურვალეთში რუსეთის საოკუპაციო ძალების წარმომადგენლები ადგილობრივი მოსახლეობის ყანებში შევიდნენ.
სოფლის შესასვლელი გადაკეტილი აქვთ ქართველ სამართალდამცავებს. ადგილზე იმყოფებიან აქტივისტები დავით ქაცარავა და გიგა მაქარაშვილი, ასევე - ანტისაოკუპაციო მოძრაობის სხვა წევრები.
მათი ინფორმაციით, პოლიცია სოფელში შესვლის შესაძლებლობას არ აძლევს ჟურნალისტებს და სხვა პირებს.
„რადიო თავისუფლების“ კორესპონდენტის თქმით, გორის მუნიციპალიტეტის ადგილობრივი ხელისუფლება ხურვალეთში რუსი ოკუპანტების შესვლის ფაქტს არ ადასტურებს.
ოფიციალურ უწყებებს ხურვალეთში მიმდინარე პროცესებზე კომენტარი ჯერ არ გაუკეთებიათ.