ეკა ბესელიას თქმით, „საერთო სასამართლოების შესახებ“ მისი კანონპროექტი უმრავლესობისთვის თავის ტკივილია და ცდილობენ, ის სწრაფად მოიშორონ. მისივე თქმით, უმრავლესობის მიერ წარდგენილი კანონპროექტის განხილვას ჩქარობენ.
„არასდროს შაბათს სხდომა არ გამართულა, თუმცა აქ არის მეორე ძალიან მზაკვრული გეგმა, რისი მონაწილეც არ ვიქნებოდი, რა თქმა უნდა. ესენი რომ მოიფიქრებენ, ის კარგა ხნის წინ მაქვს ნანახი და გავლილი.
ძალიან სწრაფად უნდოდათ მოშორება ამ კანონპროექტის, რომ ამ კვირაში ორივე პროექტი უცბად გამოეტანათ, ჩვენი პროექტი ჩააგდონ, მოიშორონ თავიდან თავის ტკივილი და ამიტომ დანიშნეს შაბათს.
რატომ დანიშნა მეოთხე დღეს, რადგან კიდევ ხუთი კვირაა საკითხის განსახილველად. სად ეჩქარებოდა ოხანაშვილს? უთხრეს, რომ ჩქარა უნდა მოიშოროს ბესელიას და კიდევ 12 დეპუტატის კანონპროექტი, რომელიც თავის ტკივილია? ეს თავის ტკივილი ცოტა დიდხანს გაუგრძელდებათ“, - განაცხადა ბესელიამ ჟურნალისტებთან.
