„უზენაესი სასამართლოს მოსამართლეებთან დაკავშირებით ჩვენს მიერ ინიცირებულ კანონპროექტზე საბოლოო განხილვა შედგა - კანონპროექტს სესიაზე უმრავლესობის მხარდაჭერა ექნება“, - ამის შესახებ ჟურნალისტებს საპარლამენტო ლიდერმა არჩილ თალაკვაძემ საპარლამენტო უმრავლესობის სხდომის დასრულების შემდეგ განუცხადა, რომელიც დღეს „ქართული ოცნების“ ოფისში გაიმართა.
„კანონპროექტს აუცილებლად მივიღებთ მაღალი მხარდაჭერით. მასში ყველა ის ძირითადი პრინციპია ასახული, რა მოთხოვნაც უზენაესი სასამართლოს მოსამართლეების არჩევასთან დაკავშირებით საზოგადოებას ჰქონდა“, - განაცხადა თალაკვაძემ.