ტეხასის უნივერსიტეტის პროფესორი, მათემატიკოსი კარენ უჰლენბეკი აბელის პრიზის გამარჯვებული გახდა. ეს პირველი შემთხვევაა, როცა მათემატიკაში უმაღლესი ჯილდო ქალს მიანიჭეს.
პრიზი იმ მათემატიკოსებზე გაიცემა, რომელთაც ამ სფეროში მნიშვნელოვანი წვლილი შეიტანეს. საპრიზო ფონდი 6 მილიონი ნორვეგიული კრონაა. პირველი პრიზი 2003 წელს გასცეს.
CNN-ის ინფორმაციით, 76 წლის უჰლენბეკის კარიერა სხვადასხვა დისციპლინას მოიცავს, მათ შორის ფიზიკას, გეომეტრიასა და კვანტურ თეორიას.
„მისმა კვლევამ მათემატიკისა და ფიზიკის გადაკვეთის წერტილებში რევოლუციური მიგნებები გვაჩვენა" - თქვა ტეხასის უნივერსიტეტის დეკანმა პოლ გოლდბარტმა.