Search
"ლიბერალი" მისამართი: თბილისი, რუსთაველის 50 ტელეფონი: +995 32 2470246 ელ. ფოსტა: [email protected] Facebook: https://www.facebook.com/liberalimagazine
გაგზავნა
გაგზავნა

აქტივისტმა, რომელსაც „იმედის" დადგმულ კადრში ნაგვის დაყრას ედავებოდნენ, სასამართლო მოიგო

03 აპრილი, 2019 10:50

გუშინ სიღნაღის საქალაქო სასამართლომ განიხილა საქმე, სადაც გარემოს ზედამხედველობის სამსახური, გარემოს დანაგვიანების მოწინააღმდეგე აქტივისტს გარემოს დანაგვიანებას ედავებოდა.

ნინო გოგოლაშვილი, სიღნაღის რაიონის სოფელ ანაგის მცხოვრები, ალეკო ელისაშვილის სამოქალაქო მოძრაობის კახეთის ბიუროს ხელმძღვანელი, სოფელ ანაგაში ნაგვით დაბინძურებულ გარემოს აპროტესტებდა, რის შესახებაც ტელეკოპანია იმედმა სიუჟეტი მოამზადა. 

სიუჟეტის გადაღებისას ტელეკომპანია „იმედის“ ჟურნალისტებმა ნინოს სთხოვეს, ტელეკამერის წინ (კადრისთვის) ნაგავსაყრელად ქცეულ ტერიტორიაზე ნაგავი გადაეყარა, რაც ნინომ შეასრულა. სიუჟეტში ჩანს, როგორ მიაქვს ნინო გოგოლაშვილს პარკით ნაგავი და იქ გაშლილ ნაგავთან აგდებს. 

სიუჟეტის გასვლიდან რამდენიმე დღის შემდეგ ნინოსთან გარემოს ზედამხედველობის სამსახურიდან მივიდნენ და ტერიტორიის დანაგვიანებისთვის სამართალდარღვევის ოქმი გამოუწერეს.

ნინოს უთხრეს, რომ სასამართლო გადაწყვეტდა ჯარიმის ოდენობას. 

ნარჩენების მართვის კოდექსის მიხედვით, გარემოს დანაგვიანება 80-იდან 500 ლარამდე ჯარიმით შეიძლება დაისაჯოს.

ზედამხედველობის სამსახურის იურისტის თქმით, „ადგილი ჰქონდა სამართალდარღვევას და უწყებას არ ჰქონდა ინფორმაცია დადგმული სიუჟეტის თაობაზე. მათ მოქალაქემ მიაწოდა სქრინები და სწორედ მოქალაქის მიერ მიწოდებული ფოტომასალის გამო დაიწერა ოქმი".

სასამართლო სხდომას იმედის ჟურნალისტიც ესწრებოდა,  რომელთაც დაადასტურეს, რომ ეს იყო დადგმული კადრი და გადაღების შემდეგ ნინო გოგოლაშვილმა ნაგვის პარკი აიღო.

მოსამართლე ღვინიაშვილმა ნინო გოგოლაშვილი დანაშაულის არარსებობის გამო უდანაშაულოდ ცნო და საქმე დახურა.

კომენტარები

ამავე რუბრიკაში

19 აპრილი
19 აპრილი

წარჩინებულ მოსწავლეებს მთავრობის სხდომაზ ...

პრემიერ - მინისტრის თქმით, მოსწავლეებს საქართველოს მთავრობის ადმინისტრაციის შენობის დათვალიერების, წარჩინებულ მოსწავლეებ ...
19 აპრილი
19 აპრილი

დეკანოზი ანდრია ჯაღმაიძე: შევქმენით სამუ ...

დეკანოზ ანდრია ჯაღმაიძის თქმით, საპატრიარქოში სამუშაო ჯგუფი შეიქმნა, რომლის მიზანიც მედიაში სიძულვილის ენის, უხამსობის შ ...
19 აპრილი
19 აპრილი

თუ რომელიმე მინისტრი ტემპს ჩამორჩება, გა ...

პრემიერმა მამუკა ბახტაძემ ეკონომიკის მინისტრის, გიორგი ქობულიას გათავისუფლების შესახებ ჟურნალისტების შეკითხვაზე უპასუხა, ...
^