საქართველოს მთავრობის მეთაურის ვიზიტი ევროპის საბჭოში 9-10 აპრილს არის დაგეგმილი. იგი საპარლამენტო ასამბლეის წინაშე სიტყვით გამოვა.
მამუკა ბახტაძის განცხადებით, დაგეგმილია ორმხრივი შეხვედრები და ვიზიტის ფარგლებში, საუბრის თემა ყველა ის აქტუალური საკითხი იქნება, რომელიც საქართველოს წინაშე დგას.
„წელს ევროპის საბჭო აღნიშნავს დაარსების 70 წლის, ხოლო საქართველო - ევროპის საბჭოში გაწევრების 20 წლის იუბილეს. ამ ორგანიზაციამ ფასდაუდებელი დახმარება გაუწია ჩვენს ქვეყანას განვითარების ყველა ეტაპზე, მათ შორის ჩვენი ქვეყნის უსაფრთხოების განმტკიცების თვალსაზრისით“, - განაცხადა პრემიერ-მინისტრმა.