„საბანკო რეგულაციები გაკეთებული არის იმისთვის, რომ ჩვენ დავიცვათ ჩვენი მოსახლეობა გაუაზრებელი კრედიტებისგან“,- განაცხადა ეკონომიკის მინისტრმა გიორგი ქობულიამ გადაცემაში „ფორბსის კვირა“.
მისივე განმარტებით, რეგულაციებთან დაკავშირებით შესაძლებელია გარკვეული ნიუანსები გადაიხედოს, თუმცა „გენერალური ხაზი დარჩება იგივე“.
„მე როგორც არაერთხელ მითქვამს, ვექტორი, გენერალური ხაზი დარჩება იგივე, მაგრამ შიგნით შეიძლება იყოს რაღაც ნიუანსები გადახედილი. მაგალითად, იგივე PTI კოეფიციენტები. შესაძლებელია, უფრო მაღალი შემოსავლის პირებზე, კიდევ უფრო შევარბილოთ დღეს უკვე რბილი კოეფიციენტი, ან მაგალითად, უცხოელებზე თუ გვაქვს 40% აუცილებელი შენატანი, ეს შენატანი დავწიოთ", – განაცხადა ქობულიამ.
