რუსთავში სასჯელაღსრულების დაწესებულების მშენებლობას აპროტესტებენ და ადგილზე, იუსტიციის მინისტრის ჩასვლას ითხოვენ. აქციის მონაწილეებმა საპროტესტო მსვლელობა მოაწყვეს.
აქციის მონაწილეები დღეს ციხის ტერიტორიაზეც მივიდნენ და სამშენებლო კომპანიას სამუშაოების დაწყების უფლება არ მისცეს.
„ეზოებში გვიშენებენ ციხეს. ბავშვების გაზრდის საშუალებას რა გვაძლევენ. მორალურად დანგრეულები არიან ბავშვები. რა ბავშვები უნდა დაიზარდონ ციხის კედლების მაყურებლები. ციხის შენობა ფაქტიურად დასახლებაში არის. მოშორებით მაინც იყოს. რუსთავი ხომ ციხეების ქალაქია მაგრამ დანარჩენი ციხეები ხომ ქალაქის მოშორებით არის და არ ჩანს,“ - აცხადებენ აქციის მონეწილე „რუსთავი 2-თან“ საუბრისას.
ცოტა ხნის წინ შეხლა-შემოხლა მოხდა პოლიციასა და აქციის მონაწილეებს შორის. სამართალდამცავები შეეცადნენ, რომ საავტომობილო გზა გაეხსნათ, თუმცა აქციის მონაწილეებმა წინააღმდეგობა გაუწიეს.
