პარლამენტის თავმჯდომარემ, ირაკლი კობახიძემ ჟურნალისტებთან განაცხადა, რომ ცალკეული ორგანიზაციები და სუბიექტები უტევენ რწმენას, რელიგიას და ოჯახურ ფასეულობებს. მისი თქმით, ამ ფასეულობებს სჭირდება დაცვა, ხოლო ლადო კახაძე, რომელიც „ქართული ოცნების“ მაჟორიტარობის კანდიდატია, იზიარებს ამ ღირებულებებს.
„ჩვენ გვაქვს ჩვენი ღირებულებები და ამ ღირებულებებს იზიარებს ბატონი ლადო კახაძე. ჩვენთვის მნიშვნელოვანია ტრადიციები, ევროპული ღირებულებების დამკვიდრება და ზუსტად ამას გულისხმობს ლადო კახაძე.
ძალიან მნიშვნელოვანი ფასეულობაა მათ შორის ოჯახი, მათ შორის რელიგია, რწმენა, რომელსაც უტევენ, სამწუხაროდ, კონკრეტული სუბიექტები.
ამ ფასეულობებს სჭირდება დაცვა როგორც პოლიტიკოსების, ასევე საზოგადოების წარმომადგენლების მხრიდან. არიან კონკრეტული სუბიექტები, მათ შორის, ცალკეული ორგანიზაციები, რომლებიც პირდაპირ ფორმით უტევენ რწმენას, რელიგიას და ოჯახურ ფასეულობებს. არ მინდა აქ ჩაღრმავება, მთავარია, თითოეულმა ჩვენგანმა დავიცვათ ეს ფასეულობები“ - განაცხადა ირაკლი კობახიძემ.
ჟურნალისტებმა კობახიძეს ჰკითხეს „ქართული ოცნების“ მაჟორიტარობის კანდიდატის, ლადო კახაძის განცხადების შესახებ, რომლის მიხედვით, ლიბერალური ფრთა ოჯახურ ფასეულობებს ვნებს.
