ზესტაფონის მერობისთვის „თავისუფალი საქართველოს“ თანათავმჯდომარე გოგი წულაია იბრძოლებს. ამის შესახებ ინფორმაციას გამოცემა „ქუთაისიპოსტი“ ავრცელებს.
გოგი წულაიამ ზესტაფონის მერიის შენობის წინ ბრიფინგი გამართა. ის კანდიდატად პარტიის ლიდერმა, კახა კუკავამ წარადგინა.
„ზესტაფონლებს არ დავპირდები, რომ ავაშენებ. მე არავის არ ავაშენებ. ყველამ ერთად უნდა ავაშენოთ. ზესტაფონიდან დავიწყებ ბრძოლას რეალური თვითმმართველობისთვის. მარაზმია და უზნეობაა, როდესაც ფერო წამლავს ადამიანებს ზესტაფონში და იქ გამომუშავებული თანხა მიდის თბილისში, ბიუჯეტში. აქ არის ყველაზე მეტი ონკოლოგიური დაავადებებით გარდაცვლილი ადამიანი", - განაცხადა გოგი წულაიამ.
„ქუთაისიპოსტის“ ცნობით, გოგი წულაიას შუალედურ არჩევნებში მხარს უჭერენ „ქრისტიან დემოკრატიული მოძრაობა", „ეროვნულ პატრიოტული მოძრაობა" და დამოუკიდებელი დეპუტატი დავით ჭიჭინაძე.