კანის 72-ე კინოფესტივალის ოფიციალური პოსტერი დღეს გამოქვეყნდა. პოსტერზე ფრანგული ახალი ტალღის მნიშვნელოვანი ფიგურა - ანიეს ვარდა არის გამოსახული. ფესტივალი 14-დან 25 მაისამდე გაიმართება.
ანიეს ვარდა 90 წლის ასაკში 29 მარტს გარდაიცვალა. როგორც ოჯახის წევრები აცხადებდნენ, კინორეჟისორის გარდაცვალების მიზეზი სიმსივნე გახდა.
ვარდა ის პირველი ქალი იყო, ვინც საპატიო ოსკარი მიიღო. რეჟისორი ასევე არაერთხელ დაჯილდოვდა კანის, ბერლინისა და ვენეციის კინოფესტივალებზე.
