უზენაეს სასამართლოსთან აქციაზე „ასავალ-დასავალის “ ჟურნალისტი ზაზა დავითაია დააკავეს. სასამართლოსთან „ევროპული საქართველო - თავისუფალი დემოკრატების“ ბლოკის წევრებისა და საზოგადოების წარმომადგენლების აქცია მიმდინარეობდა. აქციის მონაწილეები პარლამენტისკენ მსვლელობით მიემართებიან.
ჟურნალისტმა ზაზა დავითაიამ მთაწმინდის მაჟორიტარობის კანდიდატს, შალვა შავგულიძეს კითხვით მიმართა, რატომ დგას სანდრო გირგვლიანის მკვლელების გვერდით. ამას შელაპარაკება მოჰყვა აქციის მონაწილეებსა და ჟურნალისტს შორის.
შსს-ში „ლიბერალს“ უთხრეს, რომ უზენაეს სასამართლოსთან დააკვეს ერთი პირი ადმინისტრაციული წესით, საზოგადოებრივი წესრიგის დარღვევის გამო.
